فلپائن میں سمندری طوفان ہیان سے 100 افراد ہلاک

مہر خبررساں ایجنسی نے ذرائع کے حوالے سے نقل کیا ہے کہ فلپائن میں تباہ کن سمندری طوفان ہیان کے باعث 100سے زائد افراد ہلاک ہوگئے ہیں۔275 کلومیٹر فی گھنٹے کی رفتار سے چلنے والی طوفانی ہوائیں اور 19 فٹ اونچی لہریں تباہی مچاتی ہوئی لیاتی ،بوریکے اورسامار کے جزائر سے ٹکرائیں فلپائن میں طوفان سے متاثرہ 10لاکھ سے زائد افراد نقل مکانی کرنے پر مجبور ہوگئے۔متاثرہ علاقوں میں نظام زندگی معطل ہے۔تیز ہواوٴں سے ساحلی علاقوں میں گھروں کی چھتیں اڑ گئیں اور سیکڑوں درخت جڑ سے اکھڑگئے۔حکام نے شدید بارش کی وجہ سے وسطی فلپائن میں بس اورریل سروس بند کررکھی ہے جبکہ 200پروازیں بھی منسوخ کردی گئی ہیں۔ہنگامی صورتحال سے نمٹنے کے لیے فوج اور ریسکیو ادارے امدادی کارروائیوں میں مصروف ہیں جبکہ اسپتالوں میں ایمرجنسی نافذ ہے۔ فلپائن مین تباہی مچانے والا خطرناک ترین طوفان چین کی طرف بڑھ رہاہے۔